بلا قلب يتخلى عن طفلين ويتركهما لمصيرهما المجهول في ممشى الخالدية - _-*-_ منتديات خليجنا _-*-_

dr34m3r · 04-10-2008, 03:48 PM

بلا قلب يتخلى عن طفلين ويتركهما لمصيرهما المجهول في ممشى الخالدية

حديث الولادة ... قدره ان يترك على قارعة الطريق واصرار الصغير على عدم التخلي عن الرضيع ولوللحظة دفع بالشرطي الى تهدئة مخاوفه

كتب عبدالعزيز اليحيوح |

أمسى ممشى المشاة في الخالدية مساء أمس حزيناً على بكاء برعمين تُركا لمصيرهما... تُركا لا حول لهما ولا قوة.
بكاء متواصل... يتبعه بكاء متقطع... يتبعه ما يشبه الأنين... تلك الأصوات المنبعثة من ذلك الممشى الذي لفته العتمة... استرعى انتباه آسيوي ما دفعه إلى ابلاغ ابن كفيله بما يسمعه.
ابن الكفيل خرج متتبعاً مصدر الصوت وإذ به يفاجأ برضيع حديث الولادة ملقى على الأرض وملفوف بقطعة قماش وإلى جانبه طفل آخر لا يتجاوز الثالثة من العمر، ولسان حالهما... البكاء وليس أي شيء آخر غير البكاء.
ابن الكفيل حاول جاهداً التحدث إلى الطفل الصغير عله يعرف من تركه وشقيقه -إن كان شقيقه- في هذا المكان المظلم، لكن لا مجيب.
ابن الكفيل وهو حدث لم يجد بداً سوى ابلاغ عمليات الداخلية التي حل رجالها في المكان الكائن بين منطقتي الخالدية وكيفان وهالهم ما أبصروه.
رجال أمن العاصمة تلعثمت ألسنتهم مع تلعثم الصغير في النطق والبوح باسم من تركهما في هذا المكان المظلم... المظلم... المظلم، حتى دفعهم واجبهم بالاتصال بإبلاغ السلطات الصحية حتى وصل على جناح من السرعة رجال إسعاف من مستشفى الصباح ليصار نقل الطفلين إلى المستشفى لإجراء الفحوصات وتقديم الرعاية الصحية اللازمة لهما.
وارتسمت الأسئلة المحيرة على محيا رجال الأمن (كلهم آباء) الذين وجدوا أنفسهم أمام موقف إنساني لا يحسدون عليه...
طفلان صغيران متروكان في العراء بلا رعاية... إنسانان صغيران، من تركهما تجرد من الإنسانية... ووجد رجال الأمن أنفسهم أمام معضلة علهم يجدون حلها في ايجاد من تخلى عن الطفلين، ما حدا بأحد رجال الأمن إلى القول «بكاؤكما يدمي... ويدمي».

... وشقيقه (ان كان شقيقه) بعد ان جفف رجال الامن دموعه

الرضيع في يد امينة ... يد رجل الاسعاف (تصوير أسعد عبدالله)

(=()

DJ-THUG · 06-15-2008, 09:37 AM

لا حول ولا قوة الا بالله

قدســـاوية · 08-10-2008, 03:50 PM

السلام عليكم

انا اشتغل بدار الايتام

وفعلا الخبر صحيح 100%

بس الصبي عمره 4 سنوات تقريبا والرضيع اللي معاه اخته وتبين هالشي بعد التحاليل ولو تزورونهم وتشوفونهم تعرفون هالشي من الشبه الكبير بينهم

والطفل ما تكلم لانه ما يتكلم عربي

واتمنى انكم تزورونهم وانكم تتبرعون لهم ولو بشي بسيط مع انهم مو بحاجه لأي شي لان الدوله مو مقصره معاهم بس لازم يحسون ان في احد معاهم يحس فيهم ويحبهم ويتذكرهم

وانا ما سجلت الا عشان ارد عى هالموضوع
ولكم مني جزيل الشكر

.:MaYnOnT RuWiShEd:. · 08-10-2008, 04:39 PM

لا حول ولا قوة الا بالله

حرام عليه يهال صغار صج ما عنده قلب :(

تسلم اخوي عالموضوع ..

وتسلمين قدساوية ماقصرتي عاد خليهم بعيونج ... :)

dr34m3r · 08-10-2008, 07:18 PM

شكراً لج قدساوية وجزاكم الله خير على عملكم

والولد مايتكلم عربي هذه مشكله الاب تلقينه ماخذ اجنبية ومايبي الاهل يعرفون وقط عياله .. .خبرج بعض الشباب ماتهمهم الا سمعتهم .. يبيع اهله وعياله علشان نفسه
وبارك الله فيكم ... واحنا نتبرع حقهم وحق غيرهم

----

مينونة رويشد : شفتي شلون .... هذا شي من ولا شي من اللي قاعد نسمع عنه هالايام

قدســـاوية · 08-10-2008, 08:10 PM

درع لعمر ومينونة رويشد

لو خليت خبرت
بس الاطفال ما اظن انهم مواطنين لان العيال اشباههم اجنبيه + ( فلبيني كوري اندونيسي شي من هالنوع اللي عيونهم مسحوبه وخشومهم مفغوصه)

بس والله البنت جميييييييييييييله وعسوله واخوها وااااااااايد كيوت وحبوب . صج انه اول ما وصل لنا كان غيور ومايبيني امسك اي طفل غيره بس اللحين صار خوش ولد فديته

ووالله عندنا مآسي وبلاوي واكثرهم فلبن واسويين وفي شوية عرب مو كثير

وانا مو مخوله اتكلم بالموضوع للعام بصورة اكثر من جذي

بس والله الاطفال ياخذون القلب ويدمونه ,,,

بس مو مثل العجزه ,,, انا رحت للعجزة كزياره بس ... والله اني بكييييييييييت دم ,, والله انهم يكسرون القلب اكثر من الاطفال ,,, شحالهم اللحين؟؟ بعد ماكانوا فبيت مع اهل وعيال وعزهم ومكانهم >>> تخلوا عنهم ومحوهم من حياتهم بكل سهوله وبلا رحمة
فالعجايز فيهم وحده دكتورة امراض نسا (شاميه)
ووحده منهم سألتها عن اهلها قالت انا كنت يتيمه ( لقيطه) وكبرت طلعوني من دار الفتيات ودوني لدار العجزة >>> انولدت وراحت للدار واكبرت وتمت بالدار وراح تموت بالدار ما عندها احد يبكي عليها ويحزن لفراقها ... وحده من الحريم زرتها لما كنت طالبه ايام الثانويه رحت زياره لدار العجزه لقيت وحده عمرها بالاربعين اسمها ام ::: اهي اول من زرع الدواوير ( دوار ) فالشوارع الكويتيه ومثقفه حيييييييييييل بس الله كاتب انها تسوي حادث وتنشل ، شسوى زوجها فيها ؟؟ حطها بعينه ؟ داراها وباراها ؟ اهتم فيها ؟ رد لها جميل السنين اللي عاشها معاها ؟
لأ
تزوج عليها خدامتها الفلبينيه وقطها بالسرداب وكل ما سأل عن بنته وولده قالت له الفلبينيه تحت عند امهم عصب وراح قطها فدار العجزه ومنع العيال من زيارة امهم جنتهم ونارهم ... شنو الحل بالنسبه لهالعيال عشان يزورون امهم ؟؟؟ كانوا ينحاشون من مدارسهم ..

رحت لزياره لدار العجزه بس منعوني من الزياره الا بكتاب رسمي بس وحده من الاداريات عرفتني ودخلتني على العجزه سألت عن ام ::: وينها وشخبارها قالوا لي توفت من سنتين .
حزنت حييييييييييييل تكفون ادعوا لها ولكل من يحتاج الدعاء غيرها سواء كان صغير والا كبير

تكفون اللي يعرف احد يسوي دروس دينيه ومواعض للاطفال والشباب يقول له يزورنا فدار الرعايه ترى والله والله والله الاطفال محتاااااااااااااجين من يوجههم ,,, لا تقولون هناك يعلمونهم ترى ما يدرون الا عن لبسهم شربهم نومهم ووناستهم اما تربيه الطفل هناك هو اللي مربي روحه بروحه ,,, وانا والا غيري ما نقدر نلحق على عدد كبير من الاطفال للتوجيه ,,, تخيلوا لو بزور اطفال غير اطفال اقسامي ممنوووووووووووووع مع ان الاطفال هناك يحبوني واهم يطرشون علي عشان ينادوني وانا اخالف قوانين الاداره واتجاوزها واروح لهم وان دروا عني بالاداره اصدروا فحقي عقاب ونفس خايسه والعياذ بالله بس ما هموني
مو هذا مغزى كلمي الهدف منه ان تكفووووووووووون نبي ناس تسوي ندوات وانشطه للأطفال

dr34m3r · 08-11-2008, 03:00 AM

اقتباس:

المشاركة الأصلية كتبت بواسطة قدســـاوية [عزيزي الزائر يتوجب عليك التسجيل للمشاهدة الرابطللتسجيل اضغط هنا]

درع لعمر ومينونة رويشد

لو خليت خبرت
بس الاطفال ما اظن انهم مواطنين لان العيال اشباههم اجنبيه + ( فلبيني كوري اندونيسي شي من هالنوع اللي عيونهم مسحوبه وخشومهم مفغوصه)

بس والله البنت جميييييييييييييله وعسوله واخوها وااااااااايد كيوت وحبوب . صج انه اول ما وصل لنا كان غيور ومايبيني امسك اي طفل غيره بس اللحين صار خوش ولد فديته

ووالله عندنا مآسي وبلاوي واكثرهم فلبن واسويين وفي شوية عرب مو كثير

وانا مو مخوله اتكلم بالموضوع للعام بصورة اكثر من جذي

بس والله الاطفال ياخذون القلب ويدمونه ,,,

بس مو مثل العجزه ,,, انا رحت للعجزة كزياره بس ... والله اني بكييييييييييت دم ,, والله انهم يكسرون القلب اكثر من الاطفال ,,, شحالهم اللحين؟؟ بعد ماكانوا فبيت مع اهل وعيال وعزهم ومكانهم >>> تخلوا عنهم ومحوهم من حياتهم بكل سهوله وبلا رحمة
فالعجايز فيهم وحده دكتورة امراض نسا (شاميه)
ووحده منهم سألتها عن اهلها قالت انا كنت يتيمه ( لقيطه) وكبرت طلعوني من دار الفتيات ودوني لدار العجزة >>> انولدت وراحت للدار واكبرت وتمت بالدار وراح تموت بالدار ما عندها احد يبكي عليها ويحزن لفراقها ... وحده من الحريم زرتها لما كنت طالبه ايام الثانويه رحت زياره لدار العجزه لقيت وحده عمرها بالاربعين اسمها ام ::: اهي اول من زرع الدواوير ( دوار ) فالشوارع الكويتيه ومثقفه حيييييييييييل بس الله كاتب انها تسوي حادث وتنشل ، شسوى زوجها فيها ؟؟ حطها بعينه ؟ داراها وباراها ؟ اهتم فيها ؟ رد لها جميل السنين اللي عاشها معاها ؟
لأ
تزوج عليها خدامتها الفلبينيه وقطها بالسرداب وكل ما سأل عن بنته وولده قالت له الفلبينيه تحت عند امهم عصب وراح قطها فدار العجزه ومنع العيال من زيارة امهم جنتهم ونارهم ... شنو الحل بالنسبه لهالعيال عشان يزورون امهم ؟؟؟ كانوا ينحاشون من مدارسهم ..

رحت لزياره لدار العجزه بس منعوني من الزياره الا بكتاب رسمي بس وحده من الاداريات عرفتني ودخلتني على العجزه سألت عن ام ::: وينها وشخبارها قالوا لي توفت من سنتين .
حزنت حييييييييييييل تكفون ادعوا لها ولكل من يحتاج الدعاء غيرها سواء كان صغير والا كبير

تكفون اللي يعرف احد يسوي دروس دينيه ومواعض للاطفال والشباب يقول له يزورنا فدار الرعايه ترى والله والله والله الاطفال محتاااااااااااااجين من يوجههم ,,, لا تقولون هناك يعلمونهم ترى ما يدرون الا عن لبسهم شربهم نومهم ووناستهم اما تربيه الطفل هناك هو اللي مربي روحه بروحه ,,, وانا والا غيري ما نقدر نلحق على عدد كبير من الاطفال للتوجيه ,,, تخيلوا لو بزور اطفال غير اطفال اقسامي ممنوووووووووووووع مع ان الاطفال هناك يحبوني واهم يطرشون علي عشان ينادوني وانا اخالف قوانين الاداره واتجاوزها واروح لهم وان دروا عني بالاداره اصدروا فحقي عقاب ونفس خايسه والعياذ بالله بس ما هموني
مو هذا مغزى كلمي الهدف منه ان تكفووووووووووون نبي ناس تسوي ندوات وانشطه للأطفال

اختي كلامج جداً مؤثر !! فعلاً في اماكن لا يعلم فيها احد الا اللي يعمل فيها !! وللأسف بعض الناس مايفكرون الا بالمعاش , مايدرون ان المكان اللي يشتغلون فيه يبيله ناس تفكر بالمسؤولية اكثر من المال ,, الله يهديهم

رداً على كلامج فقرة فقرة :

الطفلان : اي مبين عليهم يونسون وحلوين ... والجنسيات هذي موجوده عندنا اكثر من العشب نفسه .. المفروض تييبون احد يترجم أو على الأقل يفهملهم ويعلمهم عربي ويطلبون اللي يحتاجونه,,
وهالاطفال الحين اطفالنا .. ولا تهم الجنسية .. فالكويت تساعد كل من يحتاج المساعدة على أرضها وخارج ارضها والحمدالله والحين اهما ابنائنا واحنا اهلهم ومانبي نخليهم يشعرون انهم غريبين وغير عن الناس.. يعني لازم يفهمون بالدين واللغة وكل شي مثل اي طفل كويتي

العجايز : ماشالله عليج و الله يكثر من امثالج .. العجايز طبعاً وضعهم غير وأسوأ من الأطفال .. لأن الاطفال اطفال .. ويكبرون ينسوون اذا ماحسسنهم بالنقص
اما العجايز مساكين مثل ماقلتي .. كان لهم ماضي وحياة نفس كل واحد أو وحده فينا .. وآخر شي عيالهم اللي ربوهم وتعبوا عليهم يقطونهم في الدار علشان اسباب تافهة !! منهم من يطمع بالفلوس و في منهم اللي يتزوج وزوجته تقوله امك مابيها في البيت واهو
ينسى انه الجنه تحت اقدام امه ويروح يقطها في الدار ويمكن تموت من الحرة ويكون جنه قاتل امه ..
وفي مثل اللي قلتي عنها مسكينه .. الله يرحمها ويعوضها بحياة احسن من الحياة الي عاشتها وهي الجنة طبعاً .. وخل تنفعه الفلبينية .. وهذا مثلاً اذا عياله قطوه دار العجزة مانلومهم .. على اللي سواه قبل فيهم ..

الله يعينكم والله .. وادارتكم يبيلها تعديل ... شالمشكله في زيارة باقي الأقسام ؟ بدال لا يقولون ماشالله عليها تدير اقسامها واقسام غيرها والاطفال يحبونها... وجزاج الله خير .. يصدرون عقاب ونفس خايسة ؟؟؟ هذيل اللي يفكرون بس بالمعاش
اله يهديهم بس .. واللي قاعدة تسوينه اذا كان غلط في العمل .. فعند ربج انتي افضل منهم كلهم

وانشالله انا باجر راح ادزلج ارقام ناس حق الدروس الدينية .. على الخاص والايميل .. اتصلوا عليهم وانشالله ماراح يقصرون معاكم

R.carlos_3 · 10-15-2008, 09:26 AM

استغفر الله ..

اللهم لا تعاقبنا على ما فعل السفهاء منا ..

مشكووووور عالموضوع والصور ..

الكـ نوره ـادي · 10-15-2008, 04:17 PM

لاحول ولا قوه االا بالله العلي العظيم

a7la wa7d · 10-17-2008, 04:36 PM

لا حول ولا قوة الا بالله

شنو هذاا

ع العموم ثانكس ع الموضوع




دليل مواقع	تصغير وحماية الروابط	تويتر خليجنا	مركز تحميل صور وملفات	آخر أخبار البلاك بيري بشكل منظم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)