يا حبي لك

السلام عليكم








وقريت مواضيع ضد الإتصالات بعدد شعر راسي


وقريت مواضيع عن موبايلي بعد



المهم بهالموضوع ياريت نوضح وش عيوب كل شركة


انا مثلا من العيوب اللي قرأتها عن موبايلي

ان الـ ip مشترك بين كذا مستخدم يعني اذا انطردت من شات ولا موقع ولا منتدى ولا تورنت بينطرد معك عدد لا بأس به من مستخدمي موبايلي


شيء ثاني السرعة المتكلمين عنها موبايلي هي 3.6 ميغا يعني المفروض سرعة التحميل تكون 300 كيلو وفوق بالثانية

لكن اغلب اللي شفته ان سرعة التحميل ما تتجاوز 130 كيلو بالثانية !!

التحميل محدود بواحد جيجا يوميا فقط بالرغم ان لو كان عندك اشتراك بسرعة 256 كيلو راح تقدر تحمل بحدود 2 جيجا وشوي يوميا

لكن موبايلي 3.6 ميغا فقط يمديك يوميا تحمل 1 جيجا وهذا عيب لا يغتفر خصوصا لمحبي التحميل مثلي انا احمل بسرعة 256 يوميا ما لا يقل عن 2 جيجا بدون مبالغة احيانا في افلام حجمها اكثر من جيجا فتخيل انك بتنتظر في موبايلي لليوم الثاني عشان تستكمل الملف


شي ثاني بعد بموبايلي لازم تكون في تغطية لشبكة الجيل الثالث وحنا عارفين ان هالتغطية مب ذاك الزود ومب في كل مكان

شي بعد انك لازم تمتلك جوال حديث او قطة عشان تشبك النت سعرها بحدود 1000 ريال وسمعت ان موبايلي اصدرت قطعة جديدة والقطعة القديمة الله معها


ايضا سالفة upload ماشفت حد تكلم عنها بموبايلي كم سرعة الرفع ؟

ايضا ماذا عن الحجب هل يتبع للحجب المتبع في الإتصالات؟

الدعم الفني في موبايلي ضعيف وهالشي اكتشفته من بعض الاخوة هنا بالموقع يعني اذا حصلت لك مشكلة ما تعرف وين تدبر نفسك




بخصص عيوب الاتصالات اقدر اقول منها:

ارتفاع اسعار الرسوم والإشتراكات بالرغم من التخفيض الأخير

السرعة متذبذة في كثير من الأوقات

الدعم الفني سيء كذلك



لكن بالنسبة لي الإتصالات تناسبني أكثر في هالفترة لأني شخص احب التحميل ومنتظر التخفيض القادم على اشتراكات 512 و 1 ميغا وبقية السرعات



اتمنى المشاركة بعقلانية وتراني مب موظف